ہندی اردو ساہتیہ ایوارڈ کمیٹی کے زیر اہتمام21سے23مارچ تک منعقد ہونا تھی تقریبات
لکھنو ¿ ، 17 مارچ۔ موجودہ حالات میں ہندی اردو ساہتیہ ایوارڈ کمیٹی کی 28 ویں سہ روزہ بین الاقوامی ادبی تقریبات ضلع مجسٹریٹ کے عوامی اجتماعی پروگرام ملتوی کرنے کے احکامات کے تحت فراق گورکھپوری پر مبنی بین الاقوامی ادبی تقریبات ملتوی کردی گئی ہےں۔ مشہور شاعر رگھوپتی سہائے فراق گورکھپوری پر یہ سہ روزہ ادبی کانفرنس 21 سے 23 مارچ تک منعقد ہونا تھی۔تقریب کی بھرپور تیاریوں کے درمیان ایوارڈ کے فیصلے کےلئے آج منعقدہ کمیٹی کے خصوصی اجلاس میں ، کورونا وائرس کی تباہی سے پیدا ہونے والے حالات کے پیش نظر تقریب کو ملتوی کرنے کا فیصلہ کیا گیا۔ اس میٹنگ کے بعد کمیٹی کے جنرل سکریٹری اطہر نبی ایڈوکیٹ نے بتایا کہ ریاست کے سابق گورنر رام نائک ، پدم شری انوپ جلوٹا اور ودھان سبھا اسپیکر ہردئے نارائن دکشت کو 21 مارچ کی شام قیصر واقع کلامنڈپ آڈیٹوریم میں منعقدہ اس تقریب کی افتتاحی تقریب میں شرکت کرنے والے تھے۔ ادبی تقریبات میں ہندوستان اور بیرون ملک کے ہندی اور اردو زبان کے تخلیق کاروں کی شرکت یقینی تھی۔ نیز ، ممبئی ، کولکتہ اور دہلی کے بہت سے فنکار شوکی زینت بڑھانے کےلئے آرہے تھے۔ تمام معزز مہمانان کے ہوائی ٹکٹ اور رہائش کا انتظام شہرکے ہوٹلوں میں کیا گیا تھا۔ مسٹر نبی نے کہا کہ ہر ہندوستانی کا فرض ہے کہ وہ مصیبت کے وقت ملک کے ساتھ کھڑا رہے۔ پروگرام ملتوی ہونے کی وجہ سے ہونے والے نقصان پر ، انہوں نے کہا کہ ملک پر پڑی اس مصیبت کے وقت ، معاشی نقصان کی کوئی اہمےت نہیں ہے ،ان شاءاللہ جب ہم اس مصیبت سے اُبر آئیںگے ، تب مہمانوں ، تخلیق کاروں اور فنکاروں کے مطابق تقریبات کانفرنس کمیٹی کی تاریخیں طے کرکے سب کو آگاہ کریں گے۔مذکورہ اطلاع میڈیا انچارج ضیاءاللہ صدیقی نے میڈیا کو دی ہے۔